E thjeshtë për tu përgatitur dhe shumë e shijshme në të ngrënë.
Torta ideale për mëngjeset tuaja plot ëmbëlsi dhe energji.
Në një enë me anë të makinerisë rrahëse, rrahim vezët e sheqerin deri sa të krijojmë një masë shkumë.
Shtojmë në të vajin e qumështin pak e nga pak.
Gjithmonë duke i përzierë me rrahësin elektrik shtojmë kakaon, miellin dhe majanë.
E përziejmë deri sa të kemi një masë homogjene.
Lyejmë një tepsi (të formës dëshiruar) me pak vaj e miell dhe shtojmë në të masën e tortës.
E pjekim në furrë të ngrohur paraprakisht me 180°C për 20 Minuta.
Pas pjekjes e lëmë të ftohet për 30 Minuta.
E ndajmë tortën në dy pjesë duke e prerë në mes në plan horizontal. Bazën e lyejmë me një shtresë Nutella dhe sipër shtojmë një shtresë Pana shkumë.
Vendosim sipër gjysmën tjetër të tortës.
E zbukurojmë duke i hedhur sipër sheqer pluhur.