Supa me bizele është një pjatë pranverore e lehtë dhe e ushqyeshme për të gjithë familjen.
Një recetë ideale për vegjetarianët.
Qërojmë bizelet dhe pasi i kemi larë i vendosim në një tas.
Qërojmë degëzën e selinos .
Pasi e kemi prerë imët e hedhim ne tenxhere ku shtojmë karotën dhe qepën të prera në kubikë të vegjël.
Shtojmë sipër tyre vajin e ullirit dhe i lëmë te skuqen për 5 Minuta
Më pas shtojmë verën e bardhë dhe i lëmë të skuqen derisa qepa të marri një ngjyrë të kuqërremtë.
Shtojmë bizelet dhe i kaurdisim të gjitha bashkë.
Pas dy-tre minutash shtojmë ujin dhe kripë sipas dëshirës.
E lëmë të ziejë për 25Minuta derisa bizelet te zbuten.
Në fund shtojmë makaronat e supës.
I lëmë për disa minuta derisa makaronat e supës të bëhen.
Kur supa të jetë gati shtojmë majdanozin e grirë imët.