Shëndetlia është një nga ëmbëlsirat më të mira shqiptare.
Aroma e saj është e mrekullueshme.
Vetë emri i kësaj ëmbëlsire do të thotë "shëndet" ndaj është shumë e ushqyeshme dhe mund tua shërbejmë dhe fëmijëve.
Rrahim vezët me sheqerin.
Shtojmë gjalpin, mjaltin, kakaon dhe i përziejmë mirë me ndihmën e një mikseri elektrik.
Më pas shtojmë miellin, pluhurin pjekës për ëmbëlsira dhe arrat e grira.
Pasi kemi përgatitur brumin e hedhim në një tepsi të cilën e kemi lyer me pak gjalpë dhe e kemi pudrosur me pak miell.
Me të verdhën e vezës e lyejmë sipër shëndetlien.
Në fillim e pjekim në temp 250°C për 20 Minuta
Më pas e ulim temp në 200°C për 15 Minuta.
Në një tenxhere hedhim ujin dhe sheqerin, lëkurën e grirë të një kokrre limoni, dhe pak karafil.
E vëmë në zjarr dhe e lëmë të ziejë mirë derisa sheqeri të jetë shkrirë komplet.