Në ditët e sotme mënyrat e përgatitjes për salcën e çokollatës janë të ndryshme.
Unë do ju propozoj një recetë tradicionale shqiptare të cilën ma ka mësuar babai im dhe që përdorej në punishtet e pastave për përgatitjen e ëmbëlsirave të ndryshme.
Salca e çokollatës përdoret sipas rastit, e ftohtë ose e ngrohtë.
Ajo mund të përdoret për profiterol, puding, akullore etj.
Në një enë të vogël hedhim sheqerin, miellin dhe çokollatën e grirë.
Më pas shtojmë të verdhat e vezëve, qumështin dhe i përziejmë me një lugë druri.
Duke vazhduar përzierjen e vendosim në zjarr derisa të marri valë.
Pasi të ketë marr valë, e heqim nga zjarri e kullojmë dhe i shtojmë sipër vaniljen.