Kungujt janë ndër perimet më të dashura të stinës së verës.
Me to mund të përgatisim pjata të ndryshme.
Sot do ju propozoj qofte me kunguj, pasi kanë një aromë shumë të shijshme.
Receta origjinale e qofteve me kunguj vjen nga Greqia dhe quhen Kolokythákia Keftédes (κολοκυθάκια κεφτέδες)
Pasi i kemi larë kungujt i presim feta feta dhe i vendosim në një tenxhere me ujë të ziejnë.
Pasi i kemi kulluar i vendosim me një tas dhe me ndihmën e një luge druri i shtypim.
Shtojmë vezët, bukën e grirë, kripën dhe piperin.
Më pas shtojmë djathin e grirë dhe i përziejmë të gjitha bashkë.
Shtojmë majdanozin dhe gjethet e mentës të grira imët.
Fillojmë të punojmë me dorë qoftet duke i bërë rrethore- rrethore.
Në një pjatë hedhim miellin.
Pasi i kemi bërë qoftet rrethore i lyejmë me miell .
I skuqim qoftet e përgatitura në një tigan me vaj.