Ju nevojitet vetëm pak kohë për të gatuar një drekë të shijshme dhe të shëndetshme.
Shumë e ushqyeshme për fëmijët tuaj.
Mjafton të zgjidhni perimet tuaja të preferuara dhe shija e kësaj recete është e garantuar.
Pasi i kemi larë të gjitha perimet, qërojmë patatet, qepën dhe karotën.
I presim të gjitha perimet në rrathë të vegjël me një trashësi 5mm dhe i vendosim në një tas.
Pasi i kemi prerë perimet i hedhim në tavën ku do i pjekim.
Domatet qershi i vendosim në mikser dhe i grijmë.
Salcën e përfituar nga domatet qershi e hedhim në tavën ku kemi hedhur më parë perimet.
Shtojmë kripë, piper, vaj ulliri dhe i përziejmë të gjitha bashkë.
Në një enë hedhim bukën e grirë, djathin kaçkavall, borzilokun dhe majdanozin e grirë imët.
I përziejmë mirë me ndihmën e një luge druri dhe i hedhim në mënyrë të njëtrajtshme tek tava me perime.
E pjekim në furrë me 180°C për 60 Minuta