Patëllxhanët janë një perime që e kanë prejardhjen nga kontinenti aziatik.
Në kontinentin evropian filluan të shfaqeshin në periudhën e mesjetës nga tregtarë arabë.
Kjo pjatë e kuzhinës italiane është e mbushur me shumë kalori por ideale për një drekë të shijshme.
Në një tigan hedhim vajin e ullirit dhe skuqim hudhrën dhe qepën.
Shtojmë salcën e domateve, kripën piperin, gjethet e borzilokut dhe i lëmë të bëhen derisa salca të jetë gati.
Pasi i kemi larë patëllxhanët i presim feta -feta me një diametër 2 cm.
I vendosim në një kullojës dhe i hedhim kripën e trashë.
I lëmë me kripë rreth 60 Minuta.
Pasi ka kaluar 1 orë i shpëlajmë në ujë të rrjedhshëm dhe i thajmë mirë me letër kuzhine.
Në një tigan hedhim vaj luledielli dhe fillojmë të skuqim fetat e patëllxhanit një nga një.
Pasi kemi mbaruar së skuquri marrim një tepsi dhe hedhim pak nga salca e domateve që përgatitëm më parë.
Fillojmë ti rreshtojmë rresht patëllxhanët.
Pasi kemi bërë shtresën e parë me patëllxhanë me ndihmën e një luge hedhim salcë sërish.
Shtojmë djathin e grirë parmixhan.
Më pas shtojmë moxarelën e grirë imët dhe fetat e djathit kaçkavall.
Fillojmë shtrojmë sërish një tjetër shtresë me patëllxhanë, hedhim salcën, djathin parmixhan, moxarelën dhe fetat e djathit kackavall.
Veprojmë në këtë mënyrë deri në mbarim të fetave të patëllxhanit.
E mbulojmë me salcën e mbetur dhe shtojmë djathin parmixhan.
E pjekim në furrë me 180°C për 45 Minuta
Servings 4
Përshëndetje!
Bashkohu dhe ti listës tonë për të marë recetat më të reja.