Musakaja me lulelakër është një pjatë shumë e shijshme.
Prania e kosit i jep një shije të veçantë.
Shumë e ushqyeshme dhe për fëmijët tuaj.
Pasi e kemi pastruar lulelakrën e vendosim në një tenxhere të ziejë për 20 Minuta
Në një tigan ku kemi hedhur vajin skuqim qepën.
Kur qepa të ketë filluar të marr një ngjyrë të kuqërremtë hedhim mishin e grirë .
Shtojmë kripën, rigonin dhe majdanozin e grirë imët.
I lëmë të skuqen për disa minuta.
Pasi lulelakra ka zierë e kullojmë dhe në një tavë të lyer ma pak vaj shtrojmë një shtresë me lulelakër.
Më pas shtojmë mishin e grirë të cilin e kemi kaurdisur më parë me qepën.
Shtojmë sërish një shtresë me lulelakër, dhe e fusim në furrë me 180°C për 30 Minuta
Ndërkohë në një tas të vogël përziejmë vezët me kosin .
Kjo përzierje shtohet sipër disa minuta para se ajo të jetë gati.
E futim sërish në furrë dhe 10 Minuta në mënyrë që të mpikset