Një pjatë e thjeshtë, e shijshme dhe e pasur me vitamina.
Kjo pjatë vegjetariane që përmban pak kalori mund të jetë zgjidhja juaj për një drekë ndryshe.
Pasi kemi larë të gjitha perimet me ndihmën e një letre kuzhine i thajmë ato.
Pas tharjes, fillojmë ti presim në kubikë të vegjël të gjitha perimet.
Në një tigan hedhim vajin e ullirit dhe qepën e grirë.
Pasi qepa të filloi të zbutet shtojmë karotën dhe selinon të prera imët.
I lëmë të skuqen për disa minuta derisa qepa të marri një ngjyrë të kuqërremtë
Pasi qepa në tigan është skuqur shtojmë patëllxhanët, kungujt dhe specat.
I lëmë të kaurdisen për disa minuta.
Më pas shtojmë domatet e prera dhe kripë sipas dëshirës.
I lëmë të gatuhen për 20 Minuta derisa perimet të zbuten.
Në një vatër tjetër të sobës, vendosim një tenxhere me ujë të kripur sipas dëshirës.
Pasi është zierë uji hedhim makaronat në tenxhere.
Kur makaronat të jenë gati i kullojmë dhe i bashkojmë me salcën e përgatitur pak më lart.