Lulelakra është një zarzavat tipik i stinës së dimrit.
Është e pasur me vitamina të shumta e të dobishme për organizmin tonë, ndaj nuk duhet ti mungojë tryezave tona.
Pasi e kemi pastruar lulelakrën e lajmë në ujë të rrjedhshëm.
Më pas e ndajmë në tufa dhe e vendosim të ziejë në një tenxhere me ujë me kripë për 25Minuta
Në një tas rrahim vezët.
Shtojmë djathin e grirë, e pak piper dhe i përziejmë mirë.
Pasi lulelakra është zier marrim degët e saj dhe i kalojmë në tasin ku kemi rrahur vezët e i skuqim në një tigan me vaj të nxehtë.
Sipas dëshirës mund ti shtojmë pak lëng limoni sipër lulelakrës së skuqur.