Beshamel është një salcë me origjinë franceze por njëkohësisht një nga salcat bazë e pjatave të shumëllojshme italiane. Një recetë shumë thjeshtë e me përbërës që janë të pranishëm gjithmonë në shtëpitë tona.
Përgatitet në vetëm 15 min, do të thoja 15 min të shpenzuara mirë pasi shija e kësaj salce e përgatitur në shtëpi është shume delikate dhe shumë më e shijshme, ndryshe nga ajo që mund të gjeni nëpër raftet e supermarketëve.
Vendosim mbi stufë një tenxhere me madhësi mesatare me flakë të ulët dhe shkrijmë gjalpin.
Kur gjalpi të jetë shkrirë tërësisht hedhim pak e nga pak miellin duke e përzierë deri sa të krijohet një masë homogjene.
Shtojmë qumështin me një rrjedhshmëri të ngadaltë duke e përziere masën me një lugë ose rrafse të posaçme në mënyre që mos të krijohen topa mielli.
Hedhim kripën e arrën myshk dhe e përziejmë deri sa të fillojë të ziejë.
Zihet për 15 Minuta deri sa salce të jetë trashur mire.